काय म्हणून झटशिल मला मला । अशि कोण व्याली तुला ॥
मी चन्द्रावळी तशि नव्हे रे सोड नंदाच्या मुला मुला ॥ध्रु०॥
जेव्हां जेव्हां अडविशी जिला तिला, तसे मजहि गरतिला ।
भलतिच्या भुलशी सुरतीला, किति तेज तुझ्या सुरतिला ।
नाहाक नाहाक मारला जाशिल एखादा सोशील ।
पति नाही भला भला काय म्हणून झटशिल मला मला ॥१॥
बुडविशी आमुच्या कुला कुला ही गोष्ट काय रे खला ।
चांगला दिससी रे खला सोड तुटेल माझी मेखला ।
या कर्माला तुझी (तुसी ) नाहक मी कुठे रे म्हणशिल चला चला ।
काय म्हणून झटशिल मला ॥२॥
कुणी तुला अधिकार दिला दिला हा मार्ग काय चांगला ।
तव तात कसा वागला हा छंद तुला लागला ।
सोडुन हे मज आतांच घेईन कविराय तुझी अलाबला ।
काय म्हणून झटशिल मला ॥३॥