श्रीज्ञानदेवतेहत्तिशी - अभंग १३

"श्रीज्ञानदेवतेहत्तिशी" या पुस्तकात श्रीज्ञानेश्वरांनी तेहतीस अभंगांतून जगाला अध्यात्मज्ञान दिले.


अभंग १३

खेचरीं उंच उंच जावे । उन्मनी नयनीं स्थिरावें ।

समाधिसुख स्वभावें । दिसो लागे ॥१३॥

टीकाः

जे कां खेचरी लागली । टकीसी टक मिळाली । देहवृत्ति हारपली । आपणपें ॥१॥

उंच उंच जाय जीवन । पहाणियों मिळालें गगन । मनाचियें उन्मनपण । नयनातु स्थिरावलें ॥२॥

चंचळ जाले अचळ । उरला चिंदांशु केवळ । सर्वांग होवोनि शीतळ । काय धाले ॥३॥

मग पावली समाधिअवस्था । सहज लाधली सर्वात्माता । निजसुख स्वभावता । लाधलें की ॥४॥

आपुला भाव तो स्वभाव । म्हणोनि भावापरी देव । जे का ज्ञानस्वरुप देव । निजगुज लाधलें ॥५॥

निजगुजा गुज जोडलें । मोहनाचे मोहन मिळालें । पाहातां तटस्थचि जालें । दोनी नेत्र ॥६॥

म्हणोनि तेचि पहाणें जालें । काय पहाणें आणिक उरलें । समाधिसाधन सिद्ध जाले । येणेंपरी ॥७॥

समाधी ते समाधान । काय बोलवें येथ आन । नवल येथिचे महिमान । जाणती संत ॥८॥

Translation - भाषांतर
N/A

References : N/A
Last Updated : 2010-10-15T15:02:44.4000000