० पद ४८३ वें
विषयाचें गोडपण जेणें सुखें भासे । तें सुख सेवीतां विषय ग्रासे ॥ध्रु॥
यापरी निजसुखें विषय सेवी ॥ समाधिसुखासी वांकुल्या दावी ॥१॥
विषय कोरडा खडखडित केवळ ॥ विषयाचें गोडपण परब्रह्म निःखळ ॥२॥
गुरुकृपें केशवीं निजबोधें सोहळे ॥ विषयामाजीं समाधी नुखळे ॥३॥
० पद ४८४ वें
नामरूपाचा भेद हा उठी । स्वरूपी जीवदृष्टी प्रवेशेना ॥ध्रु॥
विषयांची बाधा बाधी प्रबुद्धा । जंव त्या परमानंदा पाविजेना ॥१॥
स्त्रीपुरुषाकृति तोंचिवरी भासती । जंव ते आत्मस्थिति
विवळेना ॥२॥
प्रपंचाचें भान तोंचि स्फुरे जाण । जों आपण परतोन पाहिजेना ॥२॥
जन्म-मृत्यु भ्रांती तोंचि यातायाती निर्गुणाची प्राप्ती लाहिजेना ॥४॥
मायेचा पडपा तोचि भुली जें लाया । केशवीं गुरुकृपा पाविजेना ॥५॥