भूपाळी कृष्णाची - जाग रे जाग बापा । विश्र्व...

देवाला जागे करण्यासाठी पहाटे जी गाणी म्हणतात, त्यांना 'भूपाळी' म्हणतात.
Poems that can be sung early morning while remembering God.

भूपाळी कृष्णाची
जाग रे जाग बापा । विश्र्वपालका कृष्णा ।
दीन आम्ही उभे द्वारी । आमुची बोळवीं तृष्णा ॥ ध्रु. ॥
त्रासलो प्रपंची या । बहु कष्टलों भारी ।
म्हणवूनि शरण आलों । विभो तुझिया द्वारीं ॥ जाग. ॥ १ ॥
सांग बा न्यून काय । हरि तुझिया भांडारीं ।
याचक भीक मागे । प्रेम दीई झडकरी ॥ जाग. ॥ २ ॥
गुरुकृपे उदयो झाला । हरि उदया आला ।
सुख ते काय सांगूं । जिवलग भेटला ॥ जाग. ॥ ३ ॥
श्रीगुरुनाथराया । कृपासिंधु गोविंदा ।
देवनाथ प्रार्थिताहे । प्रभुपदारविंदा ॥ जाग. ॥ ४ ॥
Translation - भाषांतर
N/A

References : N/A
Last Updated : 2013-11-10T18:28:41.2270000