गणपतीची आरती - प्रेमगंगाजळे देवा न्हाणिय...

Ganapati Arati - Prayer to Lord Ganesha गणपतीची आरती - प्रेमगंगाजळे देवा न्हाणिय

गणपतीची आरती
प्रेमगंगाजळे देवा न्हाणियेलें तुजला।
सुगंध द्रव्ये मर्दन करुनी हेतू पुरविला॥
गंगाजळे रौप्याची त्यांत कि भरिलें जळाला।
सुवर्णाचा कलश आणुनी हाती तो दिधला॥
अंग मर्दितां ह्स्तें मजला उल्हासचि झाला।
स्नान घालूनि वंदियेलें मी तुझीया चरणाला॥
चरण क्षाळुनि प्राशियेले मी त्याही तीर्थाला।
वाटे सात पिढयांचा मजला उद्धारचि झाला॥
अंग स्वच्छ करुनि तुजला पीतांबर दिधला।
अति सन्मानें सिंहासनि म्यां तुजला स्थापियला॥
भक्ता सदाशिवतनय सदा लागत तव चरणी।
सर्वस्वहि त्यागुनि झाला निश्चय तव भजनी॥
Translation - भाषांतर
N/A

References : N/A


Last Updated : 2012-08-30T21:28:25.0800000