शंकराची आरती - कर्पूर गिरिसम कांतिदशकर श...

देवीदेवतांची काव्यबद्ध स्तुती म्हणजेच आरती.
The poem composed in praise of God is Aarti.

शंकराची आरती १८

कर्पूर गिरिसम कांतिदशकर शोभे शिरी गंगा ।

जवळी गणपति नृत्य करितो मांडुनिया रंगा ॥


अंकी अंबा सन्मुख नंदी सेविती ऋषी संगा ।

ब्रह्मादिक मूनि पूजा इच्छिती ध्याति अग्यंगा ॥


जय जय देवा आरती हरि हरेश्वरा । दयाळा ॥

काया वाचा मनोभावेम नमू परात्परा ॥ धृ . ॥

सुंदरपण किती वर्णूं रति - पति मदनाची मूर्ति ।

तेज पहातां संतृप्त होती कोटी गभस्ती ॥


वेदां नकळे पार जयाचा तो हा सुखमूर्ति ।

भक्तकाजकल्पद्रूम प्रगटे पाहूनियां भक्ति ॥


अंधक ध्वसुनी मेख विध्वंसुनी बलहत करी दक्षा ।

त्रिपुरा सुरशल मर्दूनि सुखकर खला करी शिक्षा ॥


तो तू अगुणी सगुण होसी भक्तांच्या पक्षा ।

धर्म स्थापुनि साधु रक्षिसी सूरांकृति दक्षा ॥


नारद तुंबर व्यास सुखादिक गाती सद् ‌ भावे ।

सनक सनंदन वशिष्ट वाल्मिक याना यश द्यावें ॥


चिन्मय रंगा भवभयभंगा हरि प्रिया धांवें ।

तवपद किंकर रामदास हा यासी नुपेक्षावे ॥

Translation - भाषांतर
N/A

References : N/A
Last Updated : 2012-08-30T21:28:25.0800000