शंकराची आरती - गौरीवर गंगाधर तनु कर्पूरऎ...

देवीदेवतांची काव्यबद्ध स्तुती म्हणजेच आरती.
The poem composed in praise of God is Aarti.

शंकराची आरती १४

गौरीवर गंगाधर तनु कर्पूरऎसी ॥
गजव्याघ्रांची चर्मे पांघुरसी ॥
कंठी कपालमाळा भाळीं दिव्य शशी ॥
अनिलाशनभूषण हर शोभत कैलासी ॥ १ ॥

जय देव जय देव जय रतिपतिदहना ॥
मंगळआरति करितों छेदी अघविपिना ॥ धृ. ॥

त्रिपुरासूर अति दुस्तर प्रबल तो झाला ॥
तृणवत् मानित वासव विधि आणि हरिला ॥
तेव्हां निर्जर भावें स्मरताती तुजला ॥
होऊनि सकृप त्यांवरि मारिसी त्रिपुराला ॥ जय. ॥ २ ॥

जे तव भक्तिपुरस्सर जप तप स्तव करिती ॥
त्यांत अष्टहि सिद्धी स्वबलाने वरितो ॥
शिव शिव या उच्चारें जे प्राणी मरती ॥
चारी मुक्ती येऊनि त्यांचा कर धरिती ॥ जय. ॥ ३ ॥

वृषभारुढा मूढां लावी तव भजना ॥
भवसिंधू दुस्तर ती करिं गा सुलभ जना ॥
होवो सुलभ मला तव मायेची रचना ॥
दास म्हणे ताराया दे सकृप वचना ॥ जय. ॥ ४ ॥

Translation - भाषांतर
N/A

References : N/A
Last Updated : 2012-08-30T21:28:25.0800000