शंकराची आरती - अभिनव सुंदर गंगाकाशी पुरव...

देवीदेवतांची काव्यबद्ध स्तुती म्हणजेच आरती.
The poem composed in praise of God is Aarti.

शंकराची आरती १३

अभिनव सुंदर गंगाकाशी पुरवासी ॥
विश्वेश्वर येउनियां तारक उपदेशी ॥
जातां उत्तर पंथा हिमगिरि गगनासी ।
भजतां केदारासी कलिकिल्मष नाशी ॥ १ ॥

जय देव जय देव जय गिरिजा रमणा ।
पंचप्राणें आरती स्वामीच्या चरणां ।। धृ. ॥

स्मरतां महाकाळा नगरी उज्जयिनी ॥
प्रदोषाकाळीं पूजा पाहावी नयनीं ॥
सोरटी सोमेश्वर नांदे त्रिभूवनीं ॥
चित्तीं चिंतन केल्या राहे निज सदनीं ॥ जय. ॥ २ ॥

औढंकपूरीचें वन हें दारुणवृक्षांचा ॥
भूषण नागेशाचा मणिमयमुक्तांचा ॥
परळी वैजेश्वर हरिहर तीर्थांचा ।
ऎसा शंकर शोभे बिल्व पत्राचा ॥ जय. ॥ ३ ॥

ॐकार ममलेश्वर रेवापुरपटणीं ।
हरिहर युद्धें झालीं बाणांच्या खाणीं ॥
शेवाळी घृणेश्वर वदति कपि वाणी ॥
वेरूळीची महिमा ऎकावी श्रवणीं ॥ जय. ॥ ४ ॥

गौतमऋषिंच्या तपें गोदा आली हे ।।
त्र्यंबकराजा नमिता भवभव जाताहे ॥
शाकिनी डाकिनि काळा ज्या क्षेत्री राहे ॥
भीमाशंकर सुंदर तेथुनि दिसताहे ॥ जय. ॥ ५ ॥

दक्षिणयात्रा करितां जाता ते मार्गी ।
शिवरात्रीजागरण मल्लिकार्जुनलिंगीं ।
रामेश्वर रत्नाकरमौक्तिकिच्या संगीं ।द्वादशलिंगें ॥
कथिलीं कृष्णानें अंगीं ॥
जय देव जय देव जय गिरिजारमण ॥
पंचप्राणें आरती स्वामींच्या चरणां ॥ जय. ॥ ६ ॥

Translation - भाषांतर
N/A

References : N/A
Last Updated : 2012-08-30T21:28:25.0800000